Istoria d’aqui

Ecrit par Julien DEMONTFERRAT le 21 mar, 2025 dans la rubrique Textes / Test | 0 commentaires

Voici une trés belle poésie de l’ami CARUBA

Nous avons respecté la graphie de l’auteur.

Sian urous d’estre nissart

Es ver, « Nissa la Bella »,

Lou tièu noum es lou pu bèu,

Brila coum’un’ estela,

E darda coum’un soulèu,

Couma di l’amic Gaspart

Sian urous d’estre nissart.

O ! bouquet de bellessa,

Fache de mile coulour,

Siès la nouòstra riquesa

Tu, la regina dei flour

Aco vau mai qu’un miliart,

Sian countent d’estre nissart.

La tièua capelina,

Dou mound’a fa lou tourn,

Courouna de regina,

Es una couifa d’ounour,

Per bouonur sian pas bastart,

Sian ben fier d’estre nissart.

Ciel blu, verou diadèma

O luson de bei diamant

Que lou bouòn dièu, semena

Per la joia dei enfant,

Per èlu, ren de tròu car,

Sian riant d’estre nissart.

Un jou la man divina,

A pintat, embé amour

Sus li tièui coulina,

Un univers  de splendour,

Merci bèn de nouòstra part,

Sian coumblat d’estre nissart.

Ai flour,  au Carneval,

Au mai, ai cougourdoun,

Es la festa, es lou bal,

Embé rir’ e can soun,

E dou pouòrt à Pessicart,

Sian urous d’estre nissart.

M.A. CARUBA

Auteur-Compositeur (membre de la SACEM)

21 corniche André de Joly, 06300 Nice.

Lou set de nouvembre doù 1982.