Tags
Articles liés
Partager
Istoria d’Aqui
Vous êtes habitués à lire ces petites histoires écrites par nos auteurs collaborant au site et attendons avec impatience leurs prochaines productions.
Mais, nous avons souhaité produire des textes d’un auteur aujourd’hui disparu qui avait été prolixe dans se publications. Nous voulons parler de Pèire VIALE qui fut collaborateur de la revue « Lopu Sourgentin » en son temps. Nous avons eu l’accord de sa fille pour faire en sorte que ses textes ne soient pas oubliés. Voici un premier conte de Pierre Viale (graphie de l’auteur)
La Pluèia …. à Nissa
Ancuèi, plòu à Nissa. Cau dire que n’era toumbat que quauque degout d’aqui-d’aia, mancou pèr bagnà, just pèr dounà envuèia de veire calà una bella raissa.
Es vèr que aven oublidat qu’aquela secaressa es nourmala; cau ben lou dire, es acò (o pu lèu era acò) lou clima de Nissa, aquèu lonc estièu denan que li sesoun siguesson chaviradi.
Ensida, de Mai à Nouvembre, aproufitavian de la plaia. E, viva lu bagne de mar,soubretout lou premié e lu darrié car lu fourestié eron partit.
A Nissa, es vèr, lou soulèu si ve tout l’an; ma à pena vengut lou mes de Mai (couma lou mi cuntava ma maigrana), l’estièu s’anounçava e lu ome si meton la paieta, lu soulié blanc, e, propre, bèu, fier, saludavon l’estièu, ourgoulhous de la sièu persouna e dou sièu pais tant cherit.
Aloura, denan d’aquela bouòna e bella pluèia,benefica per toui que douna au nouòstre tan bèu pais un charma especial, à la nouòstra tant bella mar un segret encar mai proufount, touti li gent d’en carrièra invouvavon lu « dièu » d’aquesta meme pluèia car: « aquela secaressa anerian la pagà ben car » !
Lu premié degout soun lu benvengut, ma lu seguent que s’estiron sus mai de doui jour, descadenon lou marit imour, pi meme lou santoupèu.
Aquela pluèia n’en finnisse plus de calà, e, à Nissa, cau ben dire que se noun plòu escasi jamai, coura li si lete, noun s’aresta plus. E tout lou mounde de rougnà, en carrièra, au mercat, denembran que li a gaire de temp, si plagnion que ne plòuguesse proun.
Epura, la mièu Nissa, mi plases encara demai souta la pluèia que ti lava dou soulèu dardaiant, de li tièu sudada et de la pous. Lu nissart soun devengut bèn esigent dou nouòstre temp ! ma… soun encara de vèr nissart toui aquelu gent ?
PV
Autoun 1983
